هل التعليم الألكتروني تجربة فعالة؟

3 أسباب خلتني أذاكر لشهادة ال PMP أون لاين – بالرغم من أني شخص تقليدي جدا، وتجربتي في التعليم تجربة تقليدية بين الفصول وقاعات المحاضرات …و طبعا الدروس الخصوصية…
السبب الأول:
هو أني كنت عاوزة أقعد مكان المتعلم، وأشوف هل فعلا تجربة التعلم على المنصة الإلكترونية ممتع ومفيد ومنجز ولا لازم نرجع للأصل ونتعلم على السبورة ونكتب الدرس في الكشكول؟!
المهم أني فعلا في خلال 3 شهور بس، قدرت أذاكر كتاب الإصدار السابع من كتاب ال PMP ودخلت الإمتحان ونجحت من أول مرة.

السبب الثاني:
في الفترة اللي قررت أجهز نفسي لشهادة ال PMP كان فيروس كورونا منتشر بشكل كبير جدا، وكانت فكرة أني أنزل أحضر محاضرات بالشكل التقليدي مجازفة كبيرة بصحتي وأكيد بصحة العيلة.

السبب الثالث وده الأهم:
أن سعر الكورس أون لاين كان تقريبا ربع سعره في لو هحضره في قاعة المحاضرات، ده طبعا غير توفير البنزين والوقت…. وحتى لو أي محاضرة أون لاين فاتتني بلاقيها متسجله علي الاكونت بتاعي في المنصة وممكن أذاكرها أي وقت.

التعليم الإلكتروني حاليا بيفرض نفسه كوسيلة فعاله تقدر من خلاها أنك تتطور مهاراتك وتكتسب علوم جديدة وانت في أي مكان…. بمعني تاني، التعليم بيكون جزء من روتين حياتك اليومي…
وزي ما في حد معرفوش قال،
We need to bring learning to people instead of people to learning
اللي عنده تجربة مع التعليم الالكتروني يا ريت يحكي لنا عليها في تعليق


#e_Learning
#Distance_Learning
#Contiuous_Learning 

See less