!لو الإجابة أيوه، يؤسفني أقولك أنك مش هينفع تشتغل معانا مصمم تعليمي!
المصمم التعليمي في التعليم الإلكتروني زي ماما في البيت، بيعرف كل حاجه ومتعاون مع كل أفراد الفريق ولو حد غايب أو تعبان أو زهقان، من غير ما هنفكر المصمم التعليمي هو اللي هيحل محله وهيعرف يلاقي مخرج للمشكلة.
المصمم التعليمي هو أول واحد بيبدأ يشتغل في المشروع بعد العقد ما يتمضي مع العميل.
لأ، المصمم التعليمي بيبدأ يشتغل في المشروع من قبل العقد ما يتمضي كمان، هو اللي بيعمل دراسة وافية عن المتعلمين وبيفهم كويس احتياجاتهم ويترجمها لمنتج مبهر بالنسبة لهم وبيساعد مدير المشروع في كتابة توصيف دقيق لشكل المنتج اللي العميل هيستلموا في نهاية المشروع.
في ناس كتير بتحصر دور المصمم التعليمي في أنه بيكتب سيناريو تعليمي وخلاص، ولكن في الحقيقة المشروع الناجح هو اللي بيكون فيه المصمم التعليمي هو نفسه مدير المشروع.
المصمم التعليمي لازم يكون عنده مهارات تواصل عالية وخلفية قوية عن إدارة المشاريع والميزانية بالإضافة طبعا لمهارات تقنية زي كتابة السيناريو التعليمي وصياغة الأهداف بشكل جيد.
المصمم التعليمي الشاطر بيكون أكتر واحد في الفريق مرشح أنه يترقى سريعا في السلم الوظيفي في مجال التعليم الألكتروني لو عنده الصبر والإرادة على تحقيق أهدافه.
وزي ما في حد معرفوش قال،
Instructional design is more than just putting information in front of learners
مين متفق معايا في توصيف المهام الخاصة بالمصمم التعليمي ومين مختلف معايا؟
